Y mwyaf o’r tri llyn, dyma’r cyntaf i ni ei sefydlu chwe blynedd yn ôl. Mae’r llyn oddeutu dwy acer mewn maint gydag ynys a lleiniau o hesg a lili. 
Er mai llyn wedi ei greu yw hwn mae’r cyrion wedi tyfu’n dda ac yn cynnig pysgota da. Mae’n cynnal stoc dda gydag amrywiaeth o bysgod.
Carp; gloyw a chyffredin hyd at 11 pwys
Sgreten; gwyrdd ac aur hyd at 5 pwys
Twb y dail hyd at 2 bwys
Merfog hyd at 1½ pwys
Pysgodyn rhudd hyd at 1½ pwys
Rhufell hyd at 1 pwys .
Mae yma 28 safle gyda digon o le rhwng bob un, ac mae dyfnder y llyn yn amrywio o 4.6 i 6 troedfedd.
Mae yma bysgota da ar y cyrion, neu yng nghysgod yr ynys. Yr abwyd gorau i’w ddefnyddio yw cynrhon, peledi, India corn a chig. Mae bara a bisgedi cwn ar yr wyneb yn gweithio’n dda ar noson braf o haf.
Tocynnau ar gael ar y boncen neu yn y caban. Parcio ger y llyn i bysgotwyr gydag anableddau. Ni chaniateir plant dan 12 oed heb oedolyn ar y Llyn Pleser.
Prisiau o 1af Mawrth 2008
Llyn Pleser £6.50 oedolyn
£5.50 iau/pensiynwr
£5.00 i bawb ar ôl 5.00 pm
Cymerir archebion ar gyfer gornestau. Gostyngiadau i grwpiau o 6 neu fwy.
Llogi Offer £2.00 gwialen a rhwyd lanio
£1.50 pob darn arall o offer
Sylwer: rhaid talu am unrhyw offer a dorrir neu a gollir.
Rheolau’r Llyn Pleser
Mae'n rhaid pysgota oddiwrth un o'r glanfeydd pwrpasol.
Bachau heb adfachau’n unig (byddwn yn gwirio hyn).
Rhaid defnyddio rhwydi glanio.
Mwyafrif o ddwy wialen.
Dim plwm gosodedig.
Dim peledi brithyll na mwydod cochion.
Dim pysgod dros 4 pwys i’w cadw mewn rhwydi cadw.
Rhaid trochi pob rhwyd.
Ni chaniateir plant o dan 12 heb oedolyn ar y Llyn Pleser.
Dylech waredu unrhyw abwyd heb ei ddefnyddio a sbwriel yn y biniau pwrpasol.
Byddwch yn ofalus wrth drin y pysgod. Parchwch bysgotwyr eraill a mwynhewch eich diwrnod o bysgota.
Eisteddfa Fisheries - Polisi Preifatrwydd - 01766 523425
